Ludoteka eta Gaztelekuaren aisialdi-eskaintza zabala gabonetako oporretarako

Urtero moduan, Soraluzeko udal ludoteka eta gaztelekuak hainbat irteera eta ekintza antolatu dituzte Gabonetako oporretarako. Aisialdi eskaintza zabala osatu dute zerbitzu biek, Ludotekan eta Gaztelekuan egingo diren ekintzekin zein herritik kanpora egingo diren txangoekin.

Opor garai honetarako antolatu diren ekintza hauek herriko haur eta gaztetxoek duten aisialdirako eskaintza handitzea dute helburu.

Izen-ematea

Haurrek zein gazteek eskainitako ekintza bietan edo bakar batean hartu ahal izango dute parte, baina ezinbestekoa izango da aurrez izen eman eta ordainketa egitea.

Izena emateko epea abenduaren 12an amaituko da, Epez kanpo EZ da inolako izen-emate edo ordainketarik onartuko. Izena emateko bi bide daude:

• Online: helbide honetan egin behar da: izen-ematea

Ondoren, ordainketa kontu korronte honetara egin beharko da: Laboral Kutxa ES45 3035 0004 90 0040015550

Kontzeptua: Ludoteka/Gaztelekua + haurraren/gaztearen izen-abizenak

Izen-ematea jaso dugula jakinarazteko Zure izen-ematea jaso dugu mezua agertuko zaizue pantailan. 

• Aurrez aurre: Izena emateko bete fitxa eta, ordainagiriarekin batera, Ludotekan, Gaztelekuan edo Pil-Pileanen bulegoan (Gaztelekuko ekintzen kasuan) entregatu behar da.

 *Hobariren bat jaso nahi izanez gero, udaletxetik pasatu behar da lehenago, izen-emate orriarekin.  

Adin tarte bakoitzerako eskaintza

Aisialdi eskaintzaren berri eta informazio gehiago izan nahi izanez gero, adin tarte bakoitzerako prestatutako eskuorria kontsulta daiteke jarraian:

• HH 4-5
• LH 1-2
• LH 3-4
• LH 5-6
• DBH