Soraluzeko Udaleko Kultura Departamentuak udazken-negu garaian antolatzen duen antzerki zikloa, Antzerki garaia, hain zuzen ere, bueltan da berriz ere. Euskal kultur eszenako punta-puntako lau proposamen ikusteko aukera izango da Herriko Antzokian.
Urriaren 17an, hasi zen antzerki zikloa Arizona antzezlanarekin, arrakasta handiz; izan ere, ia sarrera guztiak saldu ziren eta publikoa pozik atera zen antzokitik. Ondoren, azaroaren 7an, Ninini bakarrizketak ere harrera bikaina izan zuen eta sarrera guztiak saldu ziren.
Iaztik, sarrerak aurrez erosteko aukera egoten da bi aste lehenagotik, online, bibe.me atarian, zein aurrez aurre udal liburutegian; egunean bertan ere eros deitezke txarteldegian, emankizuna hasi baino ordu erdi lehenagotik.
"Madam B" eta "Margarita Molotov" antzezlanetarako sarrerak salgai
Antzerki garaia zikloko hirugarren emanaldia bikoitza izango da; izan ere, Pez Limbo konpainiak Madam B eta Margarita Molotov antzezlanak eskainiko ditu. Sarrerak salgai daude dagoeneko online, bibe.me atarian, zein aurrez aurre udal liburutegian.
Hurrengo emanaldietarako sarrerak aurrerago erosi ahal izango dira, emanaldia baino bi aste lehenagotik aurrera.