Gipuzkoako Foru Aldundiko Ingurumen eta Obra Hidraulikoen Departamentuak Soraluzeko Udalari jakinarazi dio datorren astelehenean, irailaren 1ean, hasiko direla Olea eta Zuloaga presa Txikiak Iragazkortzeko Proiektuaren lanak. Aldunditik azaldu dutenez, lanak lau hilabeteko epean amaitzea aurreikusten da.
Proiektuari eta lanei buruzko nondik norakoak eta xehetasunak datozen egunetan kaleratuko ditu arduradun den Gipuzkoako Foru Aldundiko Ingurumen eta Obra Hidraulikoen Departamentuak.