Azken urteetan, Soraluzeko jaiak iragartzeko kartela haur eta nerabeen lehiaketaren bitartez aukeratu izan da. Iaz, ostera, hainbat urteren ostean, Soraluzeko Udaleko Kultura Batzordeak Helduen Jaietako Kartel Lehiaketa berreskuratu zuen herriko jaiak iragartzeko afixa aukeratzeko, eta 2024ko harrera ona aintzat hartuta, aurten berriz antolatu du helduen lehiaketa.
Dozenaka lan aurkeztu dira haurren, gaztetxoen zein helduen kategorietan eta astebetez, ekainaren 30etik uztailaren 4ra bitarte, egon dira ikusgai erakusketa-aretoan. Sari-banaketa ekitaldia joan den eguenean, uztailaren 3an izan zen kulturguneko erakusketa-aretoan bertan, hain zuzen ere.
Helduen Lehiaketa geratzeko etorri da
Antolatzaileek positiboki baloratu zuten iaz helduen Jaietako Kartel Lehiaketa berreskuratu izana eta ondorioz, aurten ere antolatu da. 2025ean, lau lan aurkeztu dituzte helduen kategorian, soraluzetarrek zein kanpoko sortzaileek eginak.
Gainera, helduen Jaietako Kartel Lehiaketaren irabazlea izango da jaiak iragarriko dituen kartel nagusia, programan zein herriko komertzio eta dendetan ikusiko dena.
Kartel sarituak
Hauexek izan dira, mailaz maila, sarituak suertatu diren kartelen egileak. Maila bakoitzeko 1. saria jaso duen kartela ikusi nahi izanez gero, loturaren gainean sakatu:
"A" maila (LH1-LH2)
- 1. Saria: Alaia Martinez Fariñas
- 2. Saria: Odile Basauri Varela
- 3. Saria: Anne Arrieta Montaña
"B" maila (LH3-LH4)
- 1. Saria: Sorccess Simon
- 2. Saria: Aimar Axpe Jauregi
- 3. Saria: Rolando Reyes Olivas
"C" maila (LH5-LH6)
- 1. Saria: Izane Peña Mira
- 2. Saria: Lide Viciosa Garitano
- 3. Saria: Maren Aldazabal Castillo
"D" maila (DBH)
- 1. Saria: Izaro Rodriguez Aparicio
"E" maila (Helduak)
- 1. Saria: Eguzkiñe Aldazabal Ortueta
