Emakume Master Cupen baitan, eta Soraluzeko Pilota Elkarteak eta Udaleko Kirol Sailak antolatuta, emakumezkoen esku pilotako VII. San Fermin torneoko finalerdiak jokatuko dira barixaku honetan, ekainak 27, Arane Kiroldegiko Pilotalekuan.
Txapelketako finalerdien aurretik, gainera, pilotari gazteen partida izango da, eta bertan parte hartuko du Laida Sánchez Martínez soraluzetarrak.
Sarrera doakoa izango da eta Soraluzeko Pilota Elkarteko ikasleak rifak saltzen arituko dira.
