Aurten ere uda sasoia aprobetxatzen ari dira Soraluzeko udal brigadako langileak askotariko lanak egiteko. Besteak beste, Gabolatseko ezpondak garbituko dituzte eta Errekaldeko igogailuko pasabidea berrituko.
Ezponda garbiketa
Brigadako beharginek bihar, eguaztena, ekainak 18, garbituko dituzte Gabolats kaleko ezpondak eta hori dela eta, kalea hustu egin beharko da eta ibilgailuak erretiratu goizeko 7:00etatik arratsaldeko 18:00etara bitarte.
Igogailuko pasabidea
Errekalden ere jardungo dute lanean; izan ere, bertako igogailuko pasabidea berritzen dihardute atzotik. Pasabideko zurezko oholak ordezkatuko dituzte, zaharrak kendu eta berriak ipinita.
Lanok 2.732,78€ko kostua izan dute eta biharko, eguaztena, ekainak 18, amaituta izatea aurreikusten da.