Aisialdia elkarrekin lan-taldeak, haur eta nerabeen aisialdia elkarlanean pentsatu eta antolatzeko taldeak, zein hainbat gurasok hutsunea nabaritu zuten uda garairako gazteentzako aisialdi-eskaintzan. Halaber, ikasturtean zehar egindako nerabeen kontseiluetan ere zera eskatzen zuten parte-hartzaileek: haien adinerako ekintza gehiago antolatzea. Hori horrela izanik, hainbat ekimen eta ikastaro antolatu dira utzaileko bi astetan zehar gazte eta nerabe soraluzetarrentzat.
Gaztiak udan aisialdi-eskaintza uztailaren 7tik 18rako astegunetan antolatu dute Soraluzeko Udaleko Haur eta Gazte Sailak eta Kirol Sailak, elkarlanean. Bertan, hainbat ikastarotan parte hartzeko aukera izango dute: eskalada, skate, saskibaloia, plaza dantzak eta koreografiak, kirol-fit eta sukaldaritza.
Ikastaroen informazioa eta antolaketa
- ESKALADA: Maila guztietarako ikastaroa izango da, Soraluzeko rokodromoan egingo da eta beharrezko materiala utziko da.
- SKATE: Maila guztietarako ikastaroa izango da, Eibarko Ipar Skate Eskolara joango gara ikastaroa egitera eta beharrezko materiala utziko da.
- SASKIBALOIA 3X3: Soraluzeko kiroldegian egingo da, taldeka edo banaka apuntatu daiteke.
- KIROL FIT: Soraluzeko kiroldegian egingo da, hainbat kirol diziplina (spinning, fit boxing...) konbinatuko dira, guztiak gazteei egokituta.
- SUKALDARITZA: Soraluzen egingo da, taldean hainbat errezeta landuko dira On-Ekin elkarteko aditu-taldearekin.
- PLAZA DANTZAK + KOREOGRAFIA: Soraluzeko Herri Antzokian egingo da ikastaroa, hainbat plaza dantza landuko dira eta koreografiak sortu; partaideei egokituta.
Ikastaroak goizez egingo dira eta behin betiko ordutegia izen-ematearen arabera zehaztuko da.
Prezioak eta izen-ematea
Ikastaroak 12 eta 18 urte bitarteko gazteentzat bideratuta daude. Parte hartzeko ezinbestekoa izango da izena ematea, ekainaren 3tik 11ra bitarte. Izena emateko bi modu egongo dira:
- Online: Gaztiak udan izen-ematea
- Aurrez aurre: Udaleko Harrera Bulegoan, astelehenetik barixakura, 9:00etatik 14:00etara.
Ordainketak ekainaren 16ko astean egin beharko dira eta horretarako, izen-ematea egin duen pertsona bakotizarekin harremanetan jarriko da udala.
Ikastaroen prezioak honakoak izango dira:
*Familia ugarientzako eta zailtasun ekonomikoak dituzten familientzako hobariak egongo dira. Izen-ematea online zein aurrez aurre egin ahal izango dute; eta ondoren, ordainketa egiterakoan, kontutan izango da dagokion hobari sistema.
Edozein zalantza izanez gero 943753043 (Andrea) telefonora deitu edota hezkuntza@soraluze.eus-era idatzi daiteke.
