Katamarran ume-txokoa ekintza ugari antolatzen ari da azken aldian. Udazkeneko batzar orokorrean erabaki bezela, ume nahiz familientzako aisialdi eskaintza propioa sortzearekin batera, adin talde horretako gurasoentzako formazioa eskaintzeari ere ekingo dio. Horretarako, bazkideen proposamen eta beharrak aztertu ostean, 2024-2025 ikasturterako bi hitzaldiko zikloa antolatu dute, Soraluzeko Haurreskolarekin eskuz esku: Haurraren garapen psikomotorea eta Mugak, noiz eta nola?
Katamarraneko familia bazkideei bakarrik ez, interesa duen herritar orori irekiak daude hitzaldiak eta doakoak izango dira. Hala ere, izena eman beharko da parte hartu ahal izateko. Gainera, umeentzako zaintza zerbitzua eta itzulpen zerbitzua egongo dira behar dutenentzat, aurrez, izen-ematearekin batera eskatuz gero.
Haurraren garapen psikomotorea
Eguna eta ordua: apirilak 10, eguena, 17:30ean
Lekua: Kalebarren 8
Hizlaria: Nahia Alkorta Elezgarai; Sabeletik Mundurako arduraduna: gurasotasunean bidelaguna, haurdunaldi aurretik hazierako lehen urteetara. Ama(T)Asunak podcastaren gidaria. Amatasun feministen inguruko dibulgatzailea.
Hitzaldiaren nondik norakoak:
Jaiotzetik haurrak bi oinen gainean salto egin arteko garapen motoreak harreman zuzena du bere gaitasun kognitiboarekin:
- Nola sustatu garapen motorea errespetutik.
- Hainbat teoria: Pikler eta nazioarteko irizpideak.
- Akonpainamedua edo eragitea.
- Nola eragiten dio inguruak garapenari?
- Marra gorriak.
Mugak, noiz eta nola?
Eguna eta ordua: maiatzak 6, martitzena, 17:30ean
Lekua: Kalebarren 8an
Hizlaria: Mireia Centeno Gutierrez; psikologoa eta psikopedagogoa da eta haur eta nerabeekin egiten du lan, hezkuntza arloan. Guraso eta hezitzaileentzako formakuntzak eskaintzen ditu, prebentzioan, hazieran eta hezkuntzan begirada jarrita eta haurtzaroarenganako errespetuan eta konfiantzan oinarrituz.
Hitzaldiaren nondik norakoak:
Mugak eta segurtasun emozionala izango ditu hizpide hitzaldian. Bizitzako lehen urte horietan, haurrek hainbat behar dituzte. Behar horien barruan, segurtasun afektibo-emozionala azpimarratu behar da. Alabaina, zailtasunak izaten dira askotan segurtasun emozional horren nondik norakoak ulertzeko, eta konturatzeko mugak ere segurtasun horren zutabe garrantzitsua direla. Ildo horretan landuko dira:
- Haurrek behar dituzten mugak vs helduek behar dituzten mugak.
- Noiztik jarri mugak.
- Zein muga jarri.
- Nola jarri mugak.
- Adibide praktikoak.
Izen-ematea
Izena eman nahi izanez gero, ondorengo galdetegia bete behar da: izen-ematea
Izen-ematearekin batera adierazi beharko da zaintza edo itzulpen zerbitzua behar izanez gero.
