Azken urteetan ohi duen legez "Antzerki Garaia" izeneko antzerki-zikloa antolatu du udazkenerako Udaleko Kultura Batzordeak. Guztira bost dira aurtengo zikloa osatzen duten antzezlanak, lau euskaraz eta bat gazteleraz, punta-puntako konpainiek ekoiztutakoak; antzezlanetako bi haurrei zuzenduak daude, beste hirurak publiko helduarentzat.
Helduentzako antzezlanak barixakutan taularatuko dira, arratsaldeko 20:00etan; haurrenak, ostera, domeketan, arratsaldeko 17:00etan.
Hauexek dira aurtengo zikloa osatzen duten antzezlanak:
- Urriak 18, barixakua, 20:00. "Los monólogos de la vagina" (Gazteleraz). 10 euro.
- Urriak 27, domeka, 17:00. "Ene kantak: Dantzan" *Haurrentzako ikuskizuna. (Euskaraz). 3 euro.
- Azaroak 10, domeka, 17:00. “Teilatupean” *Haurrentzako ikuskizuna. (Euskaraz). 3 euro.
- Azaroak 15, barixakua, 20:00. "Tutum Platz" (Euskaraz). 5 euro.
- Abenduak 13, barixakua, 20:00. "Ai gure juaneteak" (Euskaraz). 10 euro.
Sarreren salmenta
Aurrerantzean, ikuskizunetarako sarrerak online eskuratzeko aukera ere egongo da; emanaldia baino astebete lehenagotik egongo dira salgai. Hortaz, bi bide egongo dira sarrera eskuratzeko:
- Online: bibe.me atariaren bidez
- Aurrez aurre:
- Udal liburutegian, astelehenetik barixakura 11:00 - 13:00 eta 16:30-19:30 (barixakutan 16:00 - 18:00)
- Txarteldegian, ikuskizuna hasi baino ordu erdi lehenago.