Apirilean ateak ireki zituenetik 35 bazkide familiak eta 42 haurrek eman du izena Katamarran ume-txokoan: 0-4 urteko haur eta familien espazio hezitzailean.
Bilera orokorra bazkideekin
Urte erdi inguruko esperientziaren ostean, bilera orokorrera deitu ditu bazkideak gunearen kudeaketan diharduen talde-eragileak. Batzarrean orain arteko ibilbidearen balorazioa egin, funtzionamenduari dagozkion aldaketez edo hobekuntzez jardun eta etorkizunera begirako asmoak eta proiektuak adostuko dituzte.
Antolatzaileek jakinarazi dutenez, zaintza- eta itzulpen-zerbitzua izango da, behar izanez gero. Horretarako, zein bileraren funtzionamendu ona bermatzeko, aurrez asistentzia inprimakia betetzeko eskatzen da, ondorengo loturan: izen-ematea.
Eguna: irailak 24, martitzena
Ordua: 18:30
Lekua: Tolarekua aretoan (Arane udal kiroldegian)
Nori zuzenduta: Katamarran ume-txokoko bazkideei
Izena emateko aukera
Katamarran ume-txokoan izena emateko aukera etengabe dago zabalik. Talde eragileko kideek azaldu bezala, bazkidetzea ezinbestekoa izango da Katamarran ume-txokoa erabili ahal izateko; horretarako bi bide daude:
- Aurrez aurre, udaletxeko harrera bulegoan, astelehenetik barixakura 9:00etatik 14:00tara.
- Online, galdetegia betez: izen-ematea.
Bazkidetzeko urteko 10 euroko kuota sinbolikoa ordaindu beharko da. Dirua oztopo izan ez dadin, ahalegin berezia egingo da familia bakoitzari egokitutako ordainketa aukerak eskaintzeko. Bazkidetza-kuota ordaintzeaz gain 3 euroko fidantza ordaindu beharko da giltza-sortaren truke, behin bazkide izateari utzitakoan eta giltza itzultzean, bueltan jasoko dena, hain zuzen ere.