Hobekuntzak egin dituzte azken asteotan Ezozi futbol zelaian eta hockeyko kantxan. Auzolanean eta boluntarioen laguntzaz jardun dute bietan ala bietan.
Udalak finantzatu ditu futbol zelaiko zein hockey kantxako hobekuntzak, hurrenez hurren 3.942,96 eta 10.394,82 euroko aurrekontuekin.
Jarleku berriak futbol zelaian
Ondo zeuden jarlekuak atondu eta apurtutakoak ordezkatu dituzte Sorako kide eta guraso boluntarioek, elkarlanean. Guztira, 280 jarleku aldatu dituzte. Horretaz gain, futbol-zelai ingurua txukuntzeko eta aldagelak margotzeko ere hartu dute tartea.
Babesak hockeyko kantxarako
Marrasekoek, ostera, itxiturak jarri dituzte hockeyko kantxan, taldeen aulkiak eta epailearen postua hobeto babesteko; ertzak babesteko estalkiak ere ipini dituzte. Asteburuko infantil mailako partidetan estreinatu dituzte hobekuntza guztiak.
