Soraluzeko Udala hausnarketa-prozesua ari da egiten egun hauetan liburutegiak eman beharreko zerbitzuaz.
Eskaintzen dituen zerbitzuak, ordutegia, egutegia eta bestelako hainbat alderdi baloratzea da asmoa, ahal den neurrian zerbitzua hobetzeko.
Hori horrela, herritarrek eta, batez ere, ohiko erabiltzaileek zerbitzuaz duten iritzia ere ezagutzea nahi da eta, horretarako, gogobetetze-inkesta prestatu eta zabaldu du.
Inkestak online zein liburutegian bertan bete ahal izango dira, martxoaren 31ra arte.
Ondorengo loturan bete daiteke inkesta: https://forms.gle/97qhzu5pcREjsKra7
Udalak iritzia ematera gonbidatu ditu herritarrak.