Soraluzeko herriguneko eta Irure auzoko zenbait eremutan asfaltatze lanak eta seinaleztapenaren kontratua lehiaketara atera du Udalak. Pasa den astelehenean argitaratu zen Euskadiko kontratazio publikoko plataforman lizitazioa. “Lan hauei esker egoera txarrean dauden Loralde, Arraikua, Estaziño, Etxaburueta eta Errekaldeko kaleak zahar berrituko dira baita Irure auzoko landa bidea ere”, nabarmendu du Iker Aldazabal alkateak. Kontratua gauzatzeko epea hilabetekoa izango da eta lizitazioaren aurrekontua 164.227,14 eurokoa (BEZa barne) da.
Kontratuaren zehaztapenak Euskadiko kontratazio publikoko plataforman aurki daitezke.
Aldazabalek gogorarazi du aurkeztu berri duten Soraluze Bizi 2030 ekintza planaren barruan herria hobetu eta egokitzeko hainbat egitasmo daudela jasota eta horietako bat dela behar den guneetan asfaltatze lanak egitea.