Soraluzeko Udalak bi hilabetez eta lanaldi osoz, hiru peoi lanpostu eskaintzen ditu, hiri-altzari eta parkeak mantendu, lur-emateak egin eta azpiegituren muntaketa lanetarako, besteak beste.
Betebeharrak
Lanpostu hauek betetzeko baldintzak ondorengoak dira:
- Lehenetsi egingo da Soraluzen erroldatua egotea, lan-eskaintza hau argitaratu baino lehenagoko dataz.
- Euskarazko oinarrizko ezagutza edukitzea (gutxienez AISA titulua eskatuko da), 55 urtez gorakoetan izan ezik.
- Baldintza fisiko onak.
Izen-ematea
Baldintzak betetzen dituzten pertsonek Elgoibarren Lanbidek duen bulegoan edota udaletxeko Herritarren Arretarako Bulegoan izena eman dezakete ekainaren 1etik 15era arte, biak barne.
Eskaera-orria udaletxeko bulego orokorretan jaso ahalko da eta interesatuek ondorengo agiriak aurkeztu beharko dituzte:
- Hizkuntza eskakizuna edo baliokidearen egiaztagiria.
- “Lan-bizitza”-ren ziurtagiria.
- Lanbiden inskribatuta eta langabezian egondako egun-kopuruaren berri ematen duten agiriak.
- Eraikuntzako peoi-lanetan esperientzia duela ziurtatzen duen agiria.
- “B” gidabaimena duela egiaztatzen duen agiria.