Txontxongilo antzerkia, domekan

Erabiltzailearen aurpegia

Udaleko Berdintasun Sailak antolatuta, "Noraren sekretua" antzezlana taularatuko du Rosa Marínez & Lagunak txontxongilo konpainiak domeka honetan, Herri Antzokian.

Rosa Martínez & Lagunak txontxongilo konpainiak "Noraren sekretua" antzezlana taularatuko du igande honetan, arratsaldeko 5etan, Herri Antzokian.

Emanaldia 5-9 urte haurrentzat dago bereziki gomendatua.

Udaleko Berdintasun Sailak antolatu du, azaroaren 25ean ospatuko den Emakumeenganako Indarkeriaren aurkako Egunaren harira.

Sarrera doakoa, aforoa bete arte.

Iraupena 50 minutu.

Sinopsia:

Nora neskatila atsegina, alaia eta bihotz handikoa da. Bere eguneroko bizitza lasaia eta xaloa bere amama Maritxurekin eta Aingeru bere lagun leialarekin igarotzen du. Amamarekin bizi da gurasoak atzerrira joan direlako lan aukera hobeagoak lortu nahian. Aingeru lagun ameslari hutsa eta txoriburua izateaz gain Noraren ikaskidea da, eta jokoak eta abenturak konpartitzen dituzte. Baina Noraren bizimodua guztiz aldatuko da Gotzon ikaskide berria agertzen denean.

Harroa, maltzurra eta fanfarroia den Gotzon mutilak Noraren mundu baketsua hankaz gora jarriko du. Zoritxarrez Nora egoera latz horri aurre egiten bakarrik saiatuko da, zenbait jazarpen egoera normaltzat hartuko du eta bere oinazea laguntza eman ahal diotenei kontatu beharrean, ezkutuan gordeko du.Baina sekretuek zenbat eta ezkutuago gorde nahi, orduan eta gehiago bilatuko dute agerian geratzea.Eta Norak isilean gordetzea ez dela arazoen irtenbidea ikasiko du.