Martxoaren 8rako ekintzak

Udaleko Berdintasun Batzordeak Emakumeen Nazioarteko Eguna dela-eta bultzatutako jarduerak martxoaren 4tik 25era bitartean egingo dira, eta, Patricia Borinaga Udaleko Berdintasun Saileko arduradunak azaldu duenez, "Era guztietako jarduerak eta ekitaldiak programatu dira adin guztietarako, eta horien helburu nagusia, berdintasunean hezteaz eta kontzientziatzeaz gain, emakumeen aldarrikapena eta balioespena da. Azken batean, ikusgarritasuna ematea emakumeok duela 200 urte baino gehiago hasi genuen benetako berdintasunaren aldeko borrokari, zeinak, aurrerapenak aurrerapen, jarraitu behar baitu emakumeen ahalduntze osoa lortu arte egungo gizartearen esparruan ".

Programazioa osorik

Martxoak 4, osteguna, 14: 45ean Antzokian, haurrentzako antzerkia. Eidabe konpainiaren "Futbolariak eta printzesak". Topiko sexistak apurtu nahi dituen komedia da. Esketxen moduko eszena laburren bidez, agerian utziko dituzte, umore, musika, dantza eta antzerki-jokoen bidez, berdintasunean bizitzea zailtzen duten egoerak.

Martxoak 4, osteguna, 19: 00etan Antzokian, Iciar Bollainen "La boda de Rosa" filmaren proiekzioa. 45 urte betetzear dagoela, Rosa beti besteentzat bizi izan dela konturatuko da, eta alde egin, dena utzi eta botoi nuklearra sakatzea erabakiko du. Bere bizitzaren agintea hartu eta negozio propioa izateko ametsa bete nahi du.

Martxoak 8, astelehena, 18: 30ean Plaza Barrian, Soraluzeko 8m plataformak antolatutako mobilizazioa.

Martxoak 13, 19: 00etan Antzokian, helduentzako antzerkia. Vaivén Produccionesen "El enjambre". Haurtzaroko lagun talde bat landetxe batera joango da horietako baten ezkongabeko agurra ospatzera. Baina urteak ez dira alferrik pasatzen, eta beren artean lotura handia sentitzen badute ere, ez da ezer zena; edo ezer ez ote den.

Martxoaren 21ean, igandea, 19: 00etan, Antzokian, Bidane Txopitea (sopranoa) eta Iker Ruiz de Alegria (piano-jotzailea) musikarien eta Aramu talde femeninoaren kontzertuak izango dira.