Tailer berria antolatu du Soraluzeko Esperientziaren Gelak martxoko asteazkenetarako.
Tailerraren izenburua "Mima-Te / Mima-Zaitez" da eta 3 saio eskainiko dira, martxoaren 11, 18 eta 25ean, hurrenez-hurren, arratsaldeko 17:30etik 19:00etara, Itxaropena Jubilatuen Etxean.
Saio hauetan parte hartzeko EZINBESTEKOA DA Esperientziaren Gelan matrikulatuta egotea eta tailerrean izena ematea otsailaren 24tik martxoaren 6 arte, "Itxaropena"- n bertan.
Plazak mugatuak direnez (30 pertsona), tailerrean izena emateko hurrenkera hartuko da kontuan. Hala ere, izen-emateek plaza kopurua gainditzen badute, beste data batzuetan errepikatzeko aukera baloratuko da.
Tailerra "Paso a paso" elkarteko kideek emango dute, gazteleraz.
Hauek dira hiru saioak:
- 1. Saioa: "Abrazoterapia”. Beste komunikazio-modu bat sustatzen du eta pertsonen arteko harremanak errazten ditu.
- 2. Saioa: "Musikoterapia". Onura kognitiboak, fisikoak eta emozionalak dakartza. Komunikazioa bultzatzen du, autoestimua eta gogo-aldartea hobetzen ditu eta mugimendua, adierazpena eta sormena sustatzen ditu.
- 3. Saioa: "Arnasketa sendatzailea". Arnasketa sakonak asaldura, estresa eta antsietatea baretzen laguntzen du. Gainera, geure buruarekin eta gure bizi-beharrekin askoz hobeto konektatzeko aukera ematen digu, emozio negatibo askori irteera emateko bidea emanez.