Azken urteetan bezala, aurten ere, V. Zuhaitz Eguna antolatu du Udaleko Ingurumenaren eta Landa Garapenaren Batzordeak, Soraluzeko Mendi Taldearekin batera.
Urkiazelaira igotzeko irteera goizeko 9etan egingo da, Plaza Berritik. Landaketak 11k inguruan egingo dira, 30 pago-landare landatuko direlarik. Behin landatze-lanak bukatuta, salda eta txorixoa banatuko da, Izai aterpean.
Antolatzaileek herritar interesatu oro animatzen dute aurtengo Zuhaitz Egunean parte hartzera.