Astelehenetik aurrera, eta lanak amaitu bitartean, Santa Ana kalea, kalebarren, Plaza Zaharra eta Zubi Nagusia margotzeko lanak egingo ditu Udalak.
Kale hauetako zorua beltzez margotu zen "Patria" telesailaren grabaketarako; orain, kolore gorriz margotuko dira berriz, grabaketaren aurretik zuten egoera berreskuratu dezaten.
Lanak arratsaldeetan egingo dira, 3retatik aurrera, eta, dirauten bitartean, kotxea ez erabiltzeko eskaera egin du Udalak.
Orain arteko eguraldi txarrak eta kiroldegia handitzeko lanek atzeratu egin dituzte margoketa lanok.