Soraluzeko Udalak futbol zelaiaren kanpoko argiteria aldatu zuen joan zen astean, hondatuta zeuden farola zaharrak berriengatik ordezkatuz.
Aldatu diren 8 farolak led motakoak dira, herriko kaleetan jarrita daudenen modukoak.
Argiteria mota hau lehengoa baino efizienteagoa da eta energia dezente aurrezteko aukera ematen du.
Obra hau Udalak aurtengo aurrekontuan inbertsioak egiteko aurreikusi duen partidaren kontura egin da.
Lanak Laibi elektrizitate-enpresak burutu ditu, hauen kostua 2.758,8 eurokoa izan delarik.