Boxeo gaua antolatu da datorren apirilaren 14rako, larunbata, 20:00etan, Soraluzeko Arane Kiroldegian, Soraluzeko eta Bilboko boxeolarien parte hartzearekin.
Bertan Soraluzeko lau boxeolarik hartuko dute parte. Ixa Rodriguezek debuta egingo du boxeolari profesional modura eta haren ikasle Ousama Hinak, Adur Odriozolak eta Julen Gallastegik amateur modura.
Sarrerak salgai daude dagoeneko, 15 euroan aurrez erosita eta 18 euroan txarteldegian bertan eskuratuta.
Soraluzeko Udaleko Kirol Batzordeak 1.000 euroko diru-ekarpena egin dio larunbateko ekitaldiari.
Argazkia: plaentxia.eus