Duela bi urte abiatutako elkarlanarekin jarraituz, Atxolin IGE-k eta Udaleko Kultura Sailak haurrentzako zine-zikloa antolatu dute aurtengoan ere.
Zikloa 6 pelikulak osatzen dute, guztiak azken urteetan estreinatutakoak, eta igandeetan proiektatzen dira, arratsaldeko 5etan, hamabost egunean behin, abendutik martxora.
Pelikulak, gutxi gora-behera, 4-12 urte arteko haurrei daude zuzenduta. Haur Hezkuntzako ikasleek, baina, heldu batek lagunduta joan beharko dute.
Sarrera doakoa izango da Atxolin IGE-ko bazkide diren haurrentzat, eta euro 1ekoa gainontzekontzat.
Hauetxek dira aurtengo zikloa osatzen duten pelikulen zerrenda eta proiekzio-datak:
Abenduak 3
PRINTZE TXIKIA
Urtarrilak 21
ALBERT
Otsailak 4
HURRAK ETA LAPURRAK 2
Otsailak 18
TXIMINOEN ERRESUMA
Martxoak 4
IGELEN ERRESUMA
Martxoak 18
MARKO MAKAKO