Larunbatetik iganderako gauean, kalte larriak eragin zizkioten ezezagunek frontoian jarrita dagoen karpari, atzealdeko toldoak labanaz ebakiz.
Kalteak jasan dituen karpa duela urte bi erosi zuen udalak eta herrian antolatzen diren hainbat ekintzatan erabiltzen da: auzoetako jaiak, aratosteak, erromeria, gaztañerre, herriko jaiak... Herriko jaiei begira frontoiko zabalgunean jarrita zegoen, erasoa izan duenean.
Udalak gogor salatu du gertatutakoa, eta adierazi du horrelako ekintzek egin dituztenen zibismo falta baino ez dutela erakusten.