EGUNA: Urtarrilak 22.
ORDUA: Arratsaldeko 5ak.
TOKIA: Herri Antzokia.
SARRERA: Guraso Elkarteko bazkideak doan / Gainontzekoak 1 euro.
Jean-Loup Feliciolik eta Alain Gagnolek zuzendutako Une Vie de chat ekoizpen frantsesa Donostia Zinemaldiaren bidez estreinatu zen Espainian, eta Oscar sarietarako proposatu zuten, animazioko film luze onenaren kategorian.
Film honek Dino katuaren abenturak kontatzen ditu. Egunez Zoe deituriko neskato batekin bizi da lasai, eta gauez lapur esku-leun batekin ibiltzen da Parisko teilatuetan barrena.
Oscar sarietarako proposatzeaz gain, Une Vie de chat Europako Zinema Akademiaren sarietarako eta Annie sari ospetsuetarako ere hautatu zuten, bietan ere animazioko film luze onenaren kategorian.
Filma Barton Films enpresak banatzen du (katu bat Parisen euskaraz), eta Eusko Jaurlaritzaren Kultura Sailaren laguntzarekin bikoiztu dute euskarara.