Lur sail hauek Karakate-Hirukurutzeta mendi lerroan daude eta bertan “Gizaburuaga” deritzon Tumulua dago. Bi lur sailek guztira 18.456m2 azalera daukate eta guztira 6.644,14€tako kostua suposatu dute Udalarentzat. Lursail hauek erostearekin hiru helburu lortu nahi ditu Udalak:
- Karakate-Irukurutzeta mendi lerroan dauden lursailak erosten joatea, mendigaina esku pribatuetatik esku publikoetara pasatuz. Gaur egun udalaren jabetzakoak diren mendigaineko lursailak honakoak dira: Karakateko antenaren ondoan dagoen “Arranaitz ondo” lursaila, 20.000m2koa, “Pagobedeinkatu-azkorri” deritzona, 22.426m2koa, “Atxolin”, 18.100m2koa eta “Azkoin”, 11.147 m2koa.
-Bertan dagoen “Gizaburuaga” deritzon Tumulua babestea.
-Lursail hauetan Soraluze Baso Bidez egitasmoaren baitan, bertakoak diren zuhaitz autoktonoak landatzea. Konkretuki pago landaketak.