Soraluze Alkarrekin Eginez, herri partaidetza prozesuaren barnean dagoen Mendia eta Ibaia lan taldeak adostuta, Ezoziko futbol zelaiaren ondoan Arribiribiletako zutarriaren erreplika eta "Dolmenen Ibilbidea" seinaleztatzen duen informazio-panela ipini dira.
Legarda baserrira dijoan bidean ematen zaio, PR-GI 94 Dolmenen ibilbideari hasiera, eta komenigarri ikusi da bai herritarrentzat baita ibilbidea egitea nahi dutenen mendizaleentzat ere gunea seinaleztatzea.
Azken boladan geroz eta jende gehiago etortzen da Karakate-Irukurutzeta mendilerroa ezagutu eta ikustera, beraz oso garrantzitsua da ibilbidearen hasiera adierazten duen puntua ongi seinaleztatua izatea. Horrela, ibilbidea egitea nahi dutenek erreferentzia puntu bat izan dezaten.
Arribiribiletako zutarriaren argazkia.
