Udalak Futbol Taldearen egitura eta ekintzak laguntzeko aurreikusitako diru kopuru osotik % 30 gordeko da ( 3.000 euro) euskararen erabileraren arabera banatzeko, % 10 zehaztutako konpromiso bakoitzeko.
Horrela, bi erakundeok euskara lan eta jardueren esparruan finkatzen joateko lanaz interesatuta egonik, honako konpromisoak:
1. Elkarteak antolatzen dituen barne funtzionamenduan nahiz kanpo jardueretan, ahoz zein idatziz, gehienbat euskaraz izatea: (%10)
2. Elkartearen FUTBOL ESKOLAko (Benjaminak eta alebinak) entrenatzaileen kirol teknifikazio maila hobetzea eta beraiekin eta jokalariekin euskara, lidergoa, taldeen kudeaketa, adimen emozionala moduko edukiak lantzea helburu duen EUSKARA OINARRITIK egitasmoan parte hartzea. (% 10)
3. Elkarteko entrenatzaileak euskaraz aritzeko gai izatea eta FUTBOL ESKOLAko taldeen (benjaminak eta alebinak) ohiko entrenamenduak eta partidak euskaraz izatea. (%10)
Hitzarmen hau praktikara eraman eta garatu ahal izateko Udalak eta Elkarteak arduradun bana izendatuko dute. Pertsona hauek izango dira hitzarmenean jasotako konpromisoak aurrera eraman eta jarraipena egiteaz arduratuko direnak.
Hitzarmen hau 2015-2016 denboraldirako egin da, baina emaitzen eta beharrizanen arabera, berritu egingo da urtero.