Hitzaldia, aurten antolatzen den bigarrena , Isabel González Acha psikologo klinikoak egingo du, gazteleraz izango da, eta bina orduko bi saiotan egingo da, urriaren 20an, asteartea, lehenengoa, eta, handik hamabost egunera, azaroaren 3an, bigarrena; biak ala biak arratsaldeko 6etan herriko antzokian eta haurtzaindegi zerbitzua izango da.
Zer da eskola-jazarpena? Nola detektatzen da? Erreparatzen al diegu gure seme-alaben eta beren lagunen arteko harremanei? Kontatzen al digute eskolan nola sentitzen diren? Nola jokatu behar dugu jazarpen arazo baten aurrean? Gure seme-alaben gatazkek zein eragin dute gurasook beste guraso batzuekin ditugun harremanetan?... dira bi hitzaldi edo saio hauetan erantzuten ahaleginduko garen galderetako batzuk.