Lantegi berria ia 90 urte egin zituen zabalik, lehen pabiloia zabaldu zutenetik lantegia erabat itxi zuten arte.
1916. urtean hasi ziren lehen nabea eraikitzen eta ondorengo urteetan eraiki zituzten gainerakoak. Lehenik, bi nabe luzeak eraiki zituzten, eta, ostean, bulego eta ajuste eraikin handiak. Gero etorri ziren Gabolatseko zubia, prentsa lantegia, eta gerra baino lehen, ekonomatoa. Gerra bukatu berri, errepidearen beste aldean, biltegia, iturria eta babeslekua eraiki zituzten.
Hurrengo urteetan, Andoaingo lantegiak hartu zion aurrea Soraluzekoari eta 1975ean itxi egin zuten fabrika zaharra. Berria, berriz, 2005ean.
Gehiago jakiteko, Victor Placencia Mendiaren Desarrollo de los edificios de la “nueva fábrica de Placencia de las Armas” y sus anejos (1915-1941) artikulua irakur daiteke. Bestalde, babeslekua barrutik zelakoa den ikusi nahiz izanez gero, bideoa hemen.