1921eko uztailaren 4a: Aizpuruko Zabala.
Aizpuruko Zabalara itzuli gara, eta mendebalde hego-mendebaldetik tumuluaren argazkia atera ondoren (3. argazkia), berriro miatu dugu haren hilobi-ganbera edo ganbera dolmenikoa. Indusketa amaitu ondoren, ateratako lurra aztertu eta bahetu dugu.
Bi suharri-zati atera dira, horietako bat triangeluarra, labanatxo batena bezalakoa, eta 5 milimetroko diametroko hiru uztai zapal; 1918an, Gasteizko Marianista Anaiek esploratu zuten Axpeako tumuluan (Tresponde-Araba) agertu zirenen antzeko zuloak dituzte.
Gainera, leundutako suharri printza nimiño bat ere agertu da. Irukûtzetan bezala, Aizpuruko Zabalan giza hondarrak erabat desagertu dira; zalantzarik gabe, garai batean, bertan gorderik izango ziren. Industutako trikuharriaren argazki bat lortu dugu (4. argazkia), eta erretiratu egin gara.