“Oso pozik” SoraFolk ekimenak izandako erantzunarekin

Soraluzeko Musika Eskolak lehen aldiz antolatutako SoraFolk tailerrak oso erantzun ona izan du. Joan den zapatuan egin zuten goizeko eta arratsaldeko saioa eta antolatzaileak “oso pozik” daude Itziartik, Elgoibartik, Bergaratik, Arrasatetik, Eibartik, Gatzagatik etorri ziren haur, gazte eta heldu guztiekin, are gehiago kontuan izanda SoraFolk antolatzen den lehen aldia izan dela. Ekimena borobiltzeko, ia ordu erdiko saio ederra eskaini zuten Plaza Zaharrean SoraFolkeko ikasle-irakasleek.