Aforoak ezarritako baldintzen ondorioz bi ekitaldi prestatu behar izan ditugu Gabonetako kontzerturako: bata 18:30ean eta bestea, jarraian 19:30ean. Ekitaldi bakoitzean abesti eta talde ezberdinak arituko dira; tartekatuko dituzte, urtero bezala Gabon kantak bestelako abesti ugariekin. Konboak, hainbat instrumentuz osatutako talde instrumentalak, abesbatza, musika tailerrekoak eta bestelako ikasleek jardungo dute, azken asteotan ahalegin handiarekin prestatutako piezak herritarrei eskainiz.
Gonbidapen zehatzak
Kontzertu bakoitzera sartzeko gonbidapen zehatza erabili beharko da; saio bakoitza kolore jakin bateko gonbidapenarekin dago adierazita. Musika eskolako ikasleei banatu dizkiegu gonbidapenok zuzenean; hala ere, litekeena da egunean bertan lekuak libre egotea ikusle gehiagok sartu nahi izanez gero.