Bi hiletik behin egiten dituzte irteerak Gaztelekutik eta aurtengo lehena Cabarceno Natura Parkera egingo dute. DBH mailako gazteei zuzendutako irteera da, bestela esanda, 12-16 urte bitartekoendakoa. Egun guztirako irteera izango da, 09:30ean Estaziñotik irten eta 17:30erako bueltatuko dira. Prezioa da 15 euro.
Izen-ematea
Irteera urriaren 26an izango da eta izen-ematea urriaren 23ra arte izango da zabalik. Izena emateko bi bide daude, aurrez aurre Gaztelekuan, barikuan, zapatuan eta domekan 18:00etatik 19:30era edo Pil-pileanen bulegoan astelehenetik barikura, 10:00etatik 13:00etara eta 17:00etatik 19:00etara. Izen-emate orriak bertan eskura daitezke eta beteta eraman edo Institutuan emango dutena beteta eraman daiteke.
Horrez aparte, online ere eman daiteke izena, Soraluzeko Udalaren webgunean, HEMEN klikatuta.