Duela egun batzuk Gipuzkoako Batzar Nagusietan EHBilduk egindako galderari erantzunez, Gipuzkoako Gizarte Politikako diputatu Maite Peñak (EAJ) onartu zuen zerbitzua ez dela epe laburrean hasiko, nahiz eta eraikina erabiltzaileak hartzeko prest dagoen duela sei hilabetetatik. Orain, beste bost hilabete aurrikusten dituzte zerbitzua martxan jartzeko. Guztira eraikina ia urtebete hutsik eta Soraluzeko erabiltzaileak zerbitzurik gabe.
Maite Peña diputatuak emandako argumentuak ez dira sinesgarriak, eta Soraluzeko EHBilduren ustez, atzerapen honekin Foru Gobernuaren herritarren ongizatearekiko konpromisoa ezbaian geratzen da, gizarte zerbitzuen hobekuntza eta garapena ez dirudi lehentasunezkoak direnik EAJ-PSErentzat. Horrez gain, zentroaren irekiera hauteskunde autonomikoen bezperan aurrikusten da. Kasualitatea?
Horregatik, Foru Aldundiari eskatzen diogu Eguneko Zentroaren funtzionamenduaren hasierarako eman beharreko pausu guztiak lehen bait lehen eman ditzan, Soraluzetarren interesak lehentasunez hartuz.
http://soraluze.ehbildu.eus/2016/05/30/soraluzeko-eguneko-zentroa-urtebeteko-atzerapena/