plaentxia.eus

Debabarreneko enpresei zuzendutako Eusko Jaurlaritzaren eta SPRIren laguntzen aurkezpena

Erabiltzailearen aurpegia   Gizartea

Ostiralean, hilak 28, Debabarreneko enpresei zuzendutako doako jardunaldia hartuko du Debegesak, Eusko Jaurlaritzako Ekonomi Garapen eta Lehiakortasun Sailak eta SPRI Taldeak 2017an eskainiko dituzten diru-laguntzen berri emateko

'Ostiralak Debegesan' egitasmoaren barruan, Debegesa garapen agentziak, SPRI Taldearekin batera, eskualdeko enpresentzat doako jardunaldia antolatu du Eusko Jaurlaritzako Ekonomi Garapen eta Lehiakortasun Sailak eta SPRI taldeak 2017 urtean eskainiko dituzten laguntzen berri emateko.

Jardunaldia ostiralean egingo da, hilak 28, 9:00etatik 11:00etara, Debegesaren egoitzan. Josu Ocariz, SPRIko Berrikuntza sailaren arduraduna, eta Imanol Cuetara, SPRIko Ekintzailetza arloko arduraduna, izango dira saioan parte hartuko duten hizlariak.

Jardunaldiaren baitan, SPRIk eskaintzen dituen laguntzez gainera, Berrikuntza programetako laguntzak izango dituzte hizpide:

  • Renove Makineria
  • Innobideak Lehiabide
  • Innobideak Kudeabide
  • Innobideak Pertsonak
  • Innobideak Prestakuntza

Parte hartu nahi duten enpresek izena eman dezakete online debegesa.eus atarian, 943 82 01 10 telefonora deituz edo pymes@debegesa.eus helbidera idatziz.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa