plaentxia.eus

HAZILAN programaren bigarren deialdia abian jarri du Debegesak

Erabiltzailearen aurpegia
Lehendabiziko edizioan parte hartu duten 13 lagunek lan-kontratua edo lan-praktikak lortu dituzte jada.

Lehen edizio arrakastatsuaren ondotik, Debegesa garapen agentziak abian du gazteen laneratzea sustatzeko HAZILAN programaren bigarren edizioa. Lehen edizioan parte hartu duten 13 lagunek lan-kontratua edo lan-praktikak lortu dituzte jada lan-arlo ezberdinetan.

Bigarren edizio hau irailean hasiko da martxan Debabarrenean. Parte hartzeko interesa duten gazteek izena eman dezakete debegesa.eus webgunearen bitartez.

Hazilan proiektua goi mailako ikasketak dituzten (unibertsitate titulua edo goi mailako prestakuntza zikloa) eta lana aurkitu ezinik dabiltzan 20 eta 35 urte bitarteko gazteei zuzenduta dago.

Bete beharrezko baldintzak betetzen dituzten hautagai guztien artean Debegesak aukeraketa prozesu bat egingo du, curriculumak aztertuz eta elkarrizketak eginez. Hautatutako lagunek prestakuntza pertsonalizatua jasoko dute. Lehen fase batean, euren gaitasun pertsonalak eta profesionalak hobetzeko trebakuntza jasoko dute, lan mundura sartzea erraztuko dieten erreminten bitartez, eta, bigarren fase batean, enpresetan praktikak egingo dituzte edo proiekturen bat garatuko dute. Honela, lan munduko errealitatea gertutik ezagutzeko aukera izango dute.

Hazilan proiektua Euskadiko Programa Operatiboaren baitan kokatzen da eta Europako Gizarte Funtsak finantzatzen du %50ean. Proiektua Garapen garapenerako agentzien euskal elkarteak koordinatzen du.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa