Bigarrenez elkartuko dira, Bergaran txakurrendako leku aproposak eskatzeko

Txakurrendako gune berdeak eta leku aproposak eskatzeko bigarren elkarretaratzea egingo dute bihar, abenduak 12, San Martin plazan (19:30). "Udalean esan digute faltan daudela txakurrendako toki aproposak eta ordenantzak berritu behar direla, baina denbora pasa eta hala geratzeko beldur gara; horregatik, ezin dugu etsi", adierazi dute.