Garai bateko artisautza-lana Bergarako Unzeta etxeko begiratokia berreskuratzeko

1870 urtearen bueltan eraiki zuten Bergarako Unzeta etxeko begiratokia, eta XIX. mendean garrantzia handia izan zuen arkitektura mota berezi baten adibide garbia da. Urte luzez egoera oso txarrean egon ostean, egunotan ari dira begiratokiaren erreplika bertan egokitzeko lanetan; ondare aldetik balio handiko lana da. "Lan nekeza bezain polita izan da, egun egiten ez den horietakoa", dio Zumarragako Biona aroztegiko Jose Mari Estonba arotzak. Lanak hurrengo asterako amaituko dituzte.