Bergarako udalbatzak Diputazioari eskatu dio ardura har dezala Mizpirualdeko langileen greban

Mizpirualdeko langileen greba izan zen eztabaidagai nagusia atzoko bilkuran. Bergarako zaharren egoitzako langile batzuk 120 egun daroatzate greban eta akordiorik ezean greban igaroko dute hurrengo hilabetea ere. Langileen eskaera nagusia da Diputazioak ardura har dezala gatazkaren konponbidean, eta EH Bilduk mozio hori aurkeztu zuen. Aurrera egin zuen, EAJk eta PSE-EEk kontra bozkatu arren.