Kike Amonarrizek 2020ko Euskaraldiaren baitako berrikuntzak aurkeztu ditu Bergaran

2018ko Euskaraldiko emaitzak aurkezteaz gain, bigarren ediziora, 2020ko Euskaraldira begira jarri zituen bergararrak Kike Amonarrizek, atzo. Iazko Euskaraldia "arrakastatsua" izan zela iritzita, hurrengo urterako berrikuntza nagusien berri eman zuen. Hain zuzen, hamabost egun iraungo ditu datorren Euskaraldiak, eta norbanakoengana ez ezik, entitateengana ere iristea izango dute helburu.