Emakume bat zauritu da Bergaran izandako sute batean

Bergarako Eskusarte kaleko etxebizitza bateko sukaldean sortu da sua 12:50 inguruan, eta horren ondorioz zauriak izan ditu emakume batek Segurtasun Sailetik adierazi dutenez; intoxikatu egin da kea arnasteagatik eta eskuetan erredurak izan ditu. Debagoieneko ospitalera eroan dute zauritua, eta sua dagoeneko itzali dute Oñatitik eta Eibartik joandako suhiltzaileek.