'Debagoienetik, Ndank Ndank, Senegalera' ikus-entzunezkoa, gaur, Goiena telebistan

Bailarako 31 lagun Senegalgo Dionewar herrian izan ziren abuztuan hamabost egunez, Bergarako Ndank Ndank elkartearen eskutik. Kulturartekotasuna eta garapenerako lankidetza ditu helburu elkarteak, eta bi asmo horiekin egin zuten bidaia. Han egindakoak kameraz grabatu eta material harekin eta grabaketa osagarri batzuekin Goienak ekoiztutako ikus-entzunezkoa da gaur ikusi ahalko dena, 21:30ean eta 23:30ean. Elkarteak martitzenean eman zuen ikus-entzunezkoa Bergarako Irizar jauregian, eta arrakasta handia izan zuen.