Bikote oso berezia eta polita osatzen dute Saioa Galarragak eta Julen Murgiondo bergararrek. Dantza sueltorako erakutsitako dotoreziak eman die garaipena gaur Seguran jokatutako txapelketan. “Punta zorrotzak eta dotoreak. Oso goian dantza egin dute”, azaldu dute adituek. Maite Lazkano irakaslearen gidaritzapean txapelketa borobila egin dute gaurkoan.