Batzar informatiboa eta punk-oi! kontzertuak zapatuan, Lubakiren aurkezpenean

Zapatuan, urriak 19, aurkeztuko dute Lubaki Langile Elkartasun Sarea Bergaran. Proiektua ezagutzera emateko batzar informatiboa egingo dute Irizar jauregian (17:00) eta gero, kartzela zaharrean, punk-oi! kontzertuak izango dira protagonista: Bergarako Barne Guda, Aretxabaletako Criminal Remains eta Iruñeko Streetwise taldeak igoko dira oholtza gainera. Festa borobiltzeko DJ Purpura izango dute; jaialdiaren helburuetako bat da ekimena finantzatzeko dirua lortzea.