Angiozarrek herri izaera berezia duen adierazle dira San Migel jaiak. "Ederto pasatu dugu eta giro paregabea izan dugu. Jende asko ibili da ekitaldi guztietan", adierazi du azken urteetan alkate izan den Jose Angel Mikeok. Hain zuzen, zapatuan irudikatu zuten alkate aldaketa; Mila Elortzak hartu dio lekukoa. Aurten ere San Migel zeruratzen amaitu dituzte jaiak; astelehenean Lizartzan agertu zen, sasi batzuen gainean; aurkitu duen auzotarra izan da Koldo Alaina.