Udan 75.000 sarrera izan dituzte Agorrosinen eta zortzi egunetan mugatu dute igerilekuko edukiera

Udaleko Kirol Zerbitzuak Agorrosingo udako datuak eman ditu jakitera. Ekainaren 14tik irailaren 13ra 75.000 sarrera izan zituzten: "Ez dugu daturik jakiteko sarrera horiek gero kiroldegiko zein zerbitzu erabili zuten". Kanpoko igerilekuan zortzi egunetan izan zuten erabiltzaile gehiegi eta egun horietan mugatu behar izan zuten kanpoko igerilekuko edukiera. Bestalde, urrian abiatuko diren 74 ikastaroetarako 1.113 lagunek eman dute izena.