Larrañaga: "Asko ikertu behar da oraindik Bergarako korten inguruan"

Jaioterriko iraganaren gainean kuriositatea izan du betidanik Andoni Larrañagak (Bergara, 1964), eta interes horren ondorio moduan ulertu behar da Bergarako kortak izeneko hitzaldi zikloa antolatu izana. Lehenengo esperientzia du hizlari moduan –irailaren 12an eman zuen lehen saioa, Irizarren, eta 70 bat lagun elkartu ziren– eta GOIENAri aitortu dio esperientzia ederra izan zela. Gaur, zapatua, eskainiko du bigarren saioa, San Juan auzoko ermitan (11:00), eta hilaren 25ean beste hitzaldi bat emango du Angiozarko eskolako Arbiaska aretoan (18:30).