Gaur, irailak 20, jarriko dira salgai 'Agur Etxebeste' ikusteko sarrerak

Sarrerak gaur, irailak 20, jarriko dira salgai Seminarixoa aretoko txarteldegian, 18:00etatik 20:00etara. Ordu berean jarriko dira salgai tickets.kutxabank plataforman. Aurre-estreinaldia irailaren 25ean izango da eta aurkezle lanetan arituko dira Asier Altuna eta Telmo Esnal zuzendariak; aurretik, 18:00ak inguruan hasita, filmaren gaineko solasaldi bat egingo dute Seminarixoan bertan, nahi duenari zabalik. Irailaren 27an, 28an, 29an, eta 30ean ere ikusi ahalko da pelikula.