Gaur abiatuko dute Bergara Hiria pilota txapelketa, promes mailan

Bergara Hiria emakumezkoen pilota txapelketaren bigarren edizioa irailaren 6tik urriaren 1era izango da. Aurten, iaz ez bezala, txapelketa promes mailan bakarrik jokatuko da. Sei bikote lehiatuko dira, bi multzotan banatuta, eta lehen finallaurdenak gaur jokatuko dira, Udal Pilotalekuan, 18:30ean hasita. Finala urriaren 1ean izango da, 19:30ean.