Futbolean bidea ireki zuten neskak omenduko dituzte zapatuko Bergara Hiria txapelketan

Denboraldi-aurreko klasikoetako bat den Bergara Hiria futbol txapelketa zapatuan jokatuko da, irailak 7. Emakumezkoen txapelketaren bigarren edizioa jokatuko da goizean eta arratsaldean gizonezkoen 29. edizioa izango da jokoan Agorrosingo futbol zelaian. Bi txapelketez gain, eta aurten 25 urte beteko direla aprobetxatuta, 1994-1995 denboraldian emakumezkoen lehen taldea osatu zuten jokalariak omenduko dituzte. Egun osorako sarrera hiru euro izango da.